តើអ្នកដឹងទេថា ហ្សាកាត់ ឬបរិច្ចាគ គឺនៅលេខរៀងទីបីនៃរ៉ូកុនឥស្លាម ដូច្នេះសប្បុរសធម៌ គឺមានសារៈសំខាន់នៅក្នុងសាសនាឥស្លាម ហើយការធ្វើល្អ និងផ្តល់ជំនួយដល់អ្នកខ្វះខ្វាត គឺជាលក្ខណៈសម្បត្តិដ៏សែនល្អប្រពៃរបស់អ្នកមូស្លីម។
ព្យាការីមូហាំម៉ាត់ បានមានប្រសាសន៍ថា “ម្លប់របស់អ្នកមានអ៊ីម៉ាននៅក្នុងថ្ងៃបរលោក គឺកើតចេញពីការបរិច្ចាគទានរបស់គេ”(Al-Tirmidhi)
ព្យាការីបានមានប្រសាសន៍ថា៖ “ចូរធ្វើការបរិច្ចាគទានដោយឥតបង្អង់ វានឹងបញ្ជៀសពីផ្លូវនៃគ្រោះមហន្តរាយ”(Al-Tirmidhi)
នៅក្នុងគម្ពីអាល់គូរអាន បានបញ្ជាក់អំពីសប្បុរសធម៌ និងចំនួនអ្នកដែលអាចទទួលយកបរិច្ចាគទានបាន គឺ “ជាការពិតណាស់ ការបរិច្ចាគហ្សាកាត់នោះ គឺសម្រាប់តែអ្នកក្រខ្សត់ និងបណ្តាអ្នកក្រ និងបណ្តាអ្នកប្រមូលហ្សាកាត់ និងអ្នកដែលទើបតែចូលសាសនាឥស្លាម និងបណ្តាអ្នកចង់រំដោះខ្លួនចេញពីទាសករគេ និងបណ្តាអ្នកជំពាក់បំណុលគេ និងបណ្តាអ្នកដែលតស៊ូក្នុងមាគ៌ាអល់ឡោះ និងបណ្តាអ្នកដែលធ្វើដំណើរដាច់ស្បៀងប៉ុណ្ណោះ”(Surah At-tawbah: 60)
កម្មវិធីសប្បុរសធម៌របស់ CACIG
១. ចែកជំនួយកញ្ចប់អាហារជារៀងរាល់ខែ និងខែរ៉ម៉ាហ្ទន និងក្នុងពិធីបុណ្យផ្សេងៗ។
២. ចែកជំនួយហ្សាកាត់ និងបរិច្ចាគទាន ដល់ប្រជាជនក្រីក្រ និងក្មេងកំព្រា។
៣. សាងសង់ផ្ទះវ៉ាកាហ្វ ដល់ប្រជាជននេសាទ និងស្រ្តីមេម៉ាយ។
៤. ជំនួយអណ្តូងទឹកស្អាត ដល់សហគមរស់នៅតាមតំបន់ដាច់ស្រយាល។
៥. ជំនួយទូកដល់ប្រជាជននេសាទ។
៦. កម្មវិធីជំនួយអាហារស្រាយបួសខែរ៉ម៉ាហ្ទន។
៨. កម្មវិធីគូរបាន និងអាគីកះ។
ENGLISH