វិហ៊ារឥស្លាម គឺជាកន្លែងដែលសាសនិកឥស្លាមទាំងអស់ប្រមូលផ្តុំគ្នាធ្វើការគោរពប្រតិបត្តិទៅចំពោះអល់ឡោះជាម្ចាស់។ ហើយព្យាការីម៉ូហាំម៉ាត់(សអវ) គាត់បានប្រាប់ពីគុណតំលៃនៃវិហ៊ា(ម៉ាស្ជិត) និងអ្នកដែលសាងសង់វាថា៖
مَنْ بَنَى مَسْجِدًا لِلَّهِ بَنَى اللَّهُ لَهُ فِي الْجَنَّةِ مِثْلَهُ
អ្នកណាហើយដែលបានសាងសង់វិហ៊ារ(ម៉ាស្ជិត)សំរាប់អល់ឡោះ ទ្រង់នឹងសាងសង់ផ្ទះមួយសំរាប់វានៅក្នុងឋានសួរគ៌ដូចអ្វីដែលវាបានសាងសង់នោះ។
យោងតាម ប៉ូដាម៉ា(Po Dharma) ដែលជាសកម្មជននៃប្រទេសវៀតណាម គាត់ក៏ជាអ្នកប្រវត្តិសាស្ត្រវប្បធម៌ចាមផងដែរ។ គាត់កើតនៅឆ្នាំ 1945 ប៉ូដាម៉ា(Po Dharma)គឺជាចាម បានប្រាប់ថា ការធ្វើទុក្ខបុកម្នេញក្រោមរបបខ្មែរក្រហមបានថយចុះចំនួនរបស់ពួកគេហើយនៅចុងទសវត្សឆ្នាំ 1980 ពួកគេប្រហែលជាមិនទាន់មានកម្លាំងឡើងវិញទេ។ នៅឆ្នាំ 2009 មជ្ឈមណ្ឌលស្រាវជ្រាវ Pew បានប៉ាន់ស្មានថា 1,6% នៃប្រជាជនឬប្រជាជន 236,000នាក់ គឺជាអ្នកកាន់សាសនាអ៊ីស្លាម ភាគច្រើនពួកគេកាន់សាសនាឥស្លាមស៊ុននី នៃនិកាយហ្សាហ្វីអ៊ី។ នៅឆ្នាំ 1962 មានវិហារអ៊ីស្លាមប្រហែល ១០០។
ជាក់ស្តែងនៅក្នុងប្រទេសកម្ពុជាបច្ចុប្បន្ន នៅតាមទីជនបទដាច់ស្រយាលមានការខ្វះខាត និងទ្រុឌទ្រោមវិហ៊ារឥស្លាម។ ដូច្នេះដោយឃើញពីផលវិបាកបែបនេះ សមាគមសប្បុរស បញ្ញវន្តអ៊ីស្លាម កម្ពុជា បានបង្កើតនូវគំរោងនេះឡើង ក៏ដូចជាបើកនូវឪកាស់សំរាប់សប្បុរសជនក្នុងការធ្វើបរិច្ចាគដើម្បីទទួលបានផលពីអល់ឡោះជាម្ចាស់។ ហើយគំរោងនេះដែរយើងបានអនុវត្តន៍នៅតាមបណ្តាខេត្តជាច្រើននៅក្នុងព្រះរាជាណាចក្រកម្ពុជា។
ENGLISH