កម្មវិធីសិក្សាទន្ទេញចាំមាត់អាល់គូរអាន គឺយើងបានបង្កើតឡើង តាំងពីឆ្នាំ២០១៤ នៅសាលារៀនដារូលអ៊ូលូមអាល់ហាស៊ីម៉ីយ៉ះ ភូមិ២ ឃុំកំពង់ទ្រាស ស្រុកក្រូចឆ្មារ ខេត្តត្បូងឃ្មុំ ដែលភាគច្រើន សិស្សទាំងនោះ សុទ្ធតែក្មេងកំព្រា និងកូនក្រីក្រ ដែលគ្មានលទ្ធភាពបង់ថ្លៃសាលារៀន និងការហូបចុក។ បន្ទាប់ពីពួកគេបានបញ្ចប់ថ្នាក់នេះហើយ នឹងត្រូវបានបន្តរការសឹក្សានៅថ្នាក់រៀនទូទៅបន្ថែមទៀត ហើយមានសិស្សខ្លះត្រូវបានសាលាបញ្ជូនទៅបន្តរការសឹក្សានៅឯប្រទេសម៉ាឡេស៊ីទៀត ដើម្បីទទួលបានការអប់រំខ្ពស់ និងបញ្ចប់ការសឹក្សា ហើយចូលបម្រើការងារជាគ្រូបង្រៀន ឬក្លាយជាអ្នកផ្សព្វផ្សាយសាសនាបន្តរទៀត។ យើងបានខិតខំផ្តល់អាហារូបករណ៍ និងផ្គត់ផ្គង់ពួកគេ តាមរយៈម្ចាស់ជំនួយជាច្រើន ផ្តល់ភាពកក់ក្តៅដល់ពួកគេ គ្រប់ពេលវេលា ដើម្បីលើកទឹកចិត្តយុវជនជំនាន់ក្រោយ ឱ្យក្លាយជាអ្នកឥស្លាមដែលមានអ៊ីម៉ាន មានចំណេះអាល់គូរអានជ្រៅជ្រះ ក្នុងការចូលរួមផ្សព្វផ្សាយអំពីសាសនារបស់អល់ឡោះ។
ដើម្បីសម្រេចបានគោលបំណងនេះ យើងបានរៀបចំថ្នាក់រៀន ទីកន្លែងស្នាក់នៅសម្រាប់ពួកគេ និងមានគ្រូបង្រៀនដែលមានបទពិសោធន៍ខ្ពស់។ ដោយមានការគាំទ្រពីម្ចាស់ជំនួយ យើងនឹងបន្តរគំរោងនេះបន្ថែមទៀត នៅរាជធានីភ្នំពេញ ដើម្បីផ្តល់តាមតម្រូវការយុវជនឥស្លាម ដែលកំពុងខ្វះថ្នាក់រៀនទន្ទិញចាំមាត់អាល់គូរអាន។
យើងសូមថ្លែងអណរគុណយ៉ាងជ្រាលជ្រៅ ទៅដល់ម្ចាស់ជំនួយទាំងអស់ ដែលតែងតែផ្តល់ទំនុកចិត្ត ចូលរួមបរិច្ចាគប្រចាំខែ និងប្រចាំឆ្នាំ ជូនដល់ការសឹក្សាកូនសិស្សយើងទាំងអស់ សូមមេត្តាបន្តរអំពើល្អរបស់អ្នកបន្ថែមទៀត ដើម្បីទទួលបានផលបុណ្យពីអល់ឡោះ។
ENGLISH