នៅដើមទសវត្សទី80 បន្ទាប់ពីសង្គ្រាមរាប់ឆ្នាំប្រទេសកម្ពុជាពោរពេញដោយក្មេងកំព្រាដែលត្រូវការកន្លែងស្នាក់នៅ និងអាហារបរិភោគ។ នៅក្នុងឆ្នាំ2011 អង្គការ UNICEF បានចេញផ្សាយការសិក្សាមួយដោយនិយាយថាចំនួនកុមារកំព្រានៅប្រទេសកម្ពុជាបានកើនឡើង 75% ក្នុងរយៈពេល 6ឆ្នាំមុនហើយមានតែប្រមាណ23% នៃកុមារនៅក្នុងមណ្ឌលក្មេងកំព្រាដែលបានបាត់បង់ឪពុកម្តាយ។ យោងតាមការប៉ាន់ស្មានមានកុមារកំព្រាចំនួន 55300នាក់ នៅក្នុងប្រទេសកម្ពុជា ហើយចំនួនកុមារដែលរស់នៅមណ្ឌលកុមារកំព្រា គឺមានចំនួនតិចតួចណាស់ ដោយមានកុមារអាយុក្រោម18ឆ្នាំ ចំនួន11945នាក់រស់នៅតាមស្ថាប័ននានាក្នុងឆ្នាំ2010។
ដូច្នេះហើយ សមាគមសប្បុរសបញ្ញវន្តឥស្លាមកម្ពុជា បានបង្កើតគំរោងឧបត្ថម្ភដល់ក្មេងៗកំព្រាដែលបាត់បង់ឪពុកម្តាយ និងគ្មានអាណាព្យាបាល តាំងពីឆ្នាំ2012 ដូចជាការផ្តល់ថវិកា អាហារូបករណ៍សិក្សា យាន្តជំនិះទៅសាលា និងសម្ភារៈសិក្សា ក្នុងគោលបំណង ដើម្បីផ្តល់ក្តីសង្ឃឹមដល់ក្មេងកំព្រា និងអភិវឌ្ឃន៍យុវជនជំនាន់ក្រោយ ទទួលបានអនាគតល្អ។ ហើយយើងបានអនុវត្តន៍គំរោងនេះនៅតាមបណ្តាខេត្តមួយចំនួនដូចជា៖ ខេត្តកំពង់ឆ្នាំង ខេត្តត្បូងឃ្មុំ ខេត្តកណ្តាល ខេត្តព្រៃវែង ខេត្តពោធិ៍សាត់ ខេត្តក្រចេះ ខេត្តកំពត។
ការជួយមើលថែក្មេងកំព្រា និងចិញ្ចឹមក្មេងកំព្រា ត្រូវបានឥស្លាមយកចិត្តទុកដាក់យ៉ាងខ្លាំង យោងតាមប្រសាសន៍របស់ព្យាការីម៉ូហាំម៉ាត់(សអវ)៖ “អ្នកណាហើយដែលថែរក្សាក្មេងកំព្រា នឹងនៅជាមួយខ្ញុំនៅក្នុងឋានសួរគ៌ដូចនេះ(គាត់លើកម្រាមដៃពីរ)”។
ENGLISH
