ស៊ូរ៉ាវ

យោងតាម ប៉ូដាម៉ា(Po Dharma) ដែលជាសកម្មជននៃប្រទេសវៀតណាម គាត់ក៏ជាអ្នកប្រវត្តិសាស្ត្រវប្បធម៌ចាមផងដែរ។ គាត់កើតនៅឆ្នាំ 1945 ប៉ូដាម៉ា(Po Dharma)គឺជាចាម បានប្រាប់ថា ការធ្វើទុក្ខបុកម្នេញក្រោមរបបខ្មែរក្រហមបានថយចុះចំនួនខ្មែរឥស្លាម(ចាម) ហើយនៅចុងទសវត្សឆ្នាំ1980 ពួកគេប្រហែលជាមិនទាន់មានកម្លាំងឡើងវិញទេ។ នៅឆ្នាំ 2009 មជ្ឈមណ្ឌលស្រាវជ្រាវ Pew បានប៉ាន់ស្មានថា 1,6% នៃប្រជាជនឬប្រជាជន 236,000នាក់ គឺជាអ្នកកាន់សាសនាអ៊ីស្លាម ភាគច្រើនពួកគេកាន់សាសនាឥស្លាមស៊ុននី នៃនិកាយហ្សាហ្វីអ៊ី។

ដោយមូលហេតុបែបនេះ នៅក្នុងប្រទេសកម្ពុជាបច្ចុប្បន្ន នៅតាមទីជនបទដាច់ស្រយាលមានការខ្វះខាត វិហ៊ារឥស្លាម ជាពិសេសស៊ូរ៉ាវមួយចំនួនត្រូវបានបាក់បែកទ្រុឌទ្រោម ធ្វើឪ្យមានផលវិបាកនៅក្នុងការប្រណិបត្តិសាំពះយ៉ាំង។ ជាក់ស្តែងនៅក្នុងប្រទេសកម្ពុជាបច្ចុប្បន្ននៅតាមទីជនបទដាច់ស្រយាលពុំទាន់មានស៊ូរ៉ាវគ្រប់គ្រាន់សំរាប់ធ្វើការប្រណិបត្តិនោះទេ ដោយពួកគេអនុវត្តន៍វានៅតាមផ្ទះ ឬនៅទីវាល។ ដោយឃើញពីផលវិបាកបែបនេះ សមាគមសប្បុរសបញ្ញវន្តអុីស្លាមកម្ពុជា បានចាប់ផ្តើមបើកទទួលជំនួយ 2014 ហើយបានអនុវត្តន៍គម្រោងនេះនៅតាមបណ្តាខេត្តមួយចំនួនដែលខ្វះខាត ដូចជា៖ ខេត្តកំពង់ឆ្នាំង ខេត្តត្បូងឃ្មុំ ខេត្តកណ្តាល ខេត្តព្រៃវែង ខេត្តកំពង់ចាម ។

លោកអ្នកអាចចូលរួមជាមួយគំរោងវ៉ាកាហ្វ ឬសឺតាកោះនេះ សម្រាប់ខ្លួនឯង សម្រាប់ក្រុមគ្រួសារ ឪពុកម្តាយ ឬអ្នកដែលបានស្លាប់ទៅហើយ ក៏បានគ្រប់ពេលវេលា ពីព្រោះវាគឺជាការបរិច្ចាគទានមួយដ៏មានសារៈសំខាន់ណាស់។ ដោយយោងនឹងប្រសាសន៍របស់ណាពីមូហាំម៉ាត់(សអវ) “ អ្នកណាហើយដែលបានសាងសង់ម៉ាស្ជិត(កន្លែងថ្វាយបង្គុំ) សំរាប់អល់ឡោះ ទ្រង់នឹងសាងសង់ផ្ទះមួយសំរាប់វានៅក្នុងឋានសួរគ៌ដូចអ្វីដែលវាបានសាងសង់នោះ ” ។